Naat-e-Rasul

Assalamoalaikum dosto'n!!

Assalato wa Assalamo Alaika Ya Rasulallah Sallallahoalaihewasallam ❤ ❤

Dosto'n Aajkal hum har jagah mehfil'on mein, jalso'n mein logo'n ko Naat parhte dekhte hain,
Hum khud bhi sunte hain aur parhte hain..

Kabhi socha k Naat  kya hai??
Naat kyu parhte hain?
Nazrana kyu dete hain??

Naat Rasulallah ki shaan-e-Aqdas ko bayan karne ka naam hai,
aur  Naat kisi ghazal ya shayari se munasibat nahi rakhti,
Jab Koi Aashiq-e-Rasul Ishq k samundra mein ghotazan hota hai aur us ishq ki dariya k jitni tah tak
pahunchta hai, utna hi us dariya se use Ishq-e-Risalat ki moti aur jawahraat hasil hote hain, Aur jab wo Aashiq-e-Rasul un 
motiyo'n ko Kaaghaz per bikherta hai to wo "Naat" kehlati hai..

Naat parhna darAsl Sahaba ki sunnat hai, Aur Naat sunna Khud Rasulallah ki sunnat hai..

Hazrat Hassan bin Saabit raziallahoanh jab Rasulallah ki Baargaah-e-bekas panah mein hazir hote to Rasulallah ko Naat 
sunate, Aap Arab k achhe shayar the, aur jab Aap Rasulallah ko naat sunate the to jhum kar naat sunte, Naat parhne ki aisi 
fazilat Hazrat Hssan bin Saabit r.a ko haasil hui k Rasulallah s.w. ne Apne dast-e-paask se aapko nazrane mein apni wo 
chadar-e-mubarak ata kar diya jiske daman ki hawa k liye har ummati talabgaar hai,

"Hashr ki us chilakti hui dhoop mein,
Unke Daman ki thandi hawa chahiye"

Naat ummati ki nijaat ka ek zariya hai,
Naat jab bhi parha jaye to Aaaqa k tasawwur mein doob kar parha jaye aur jab bhi suna jaye to Aaqa k tasawwur mein doob 
kar suna jaye..

Allah humein aur Aapko Aakhiri saans tak Aaqa ki nAatein parhne likhne aur sunne ki sa'adat se nawaz de! ameen summa ameen

Ae kaash mil jaye sharf deed ka mujhe,
Kab se tarap raha hoon deedar k liye!!


Talib-e-Dua:
Syed Hamid Shamsuzoha Ahrari

For more islamic information must Like and Share our page:
www.facebook.com/maktabEShamsuzoha/

or join us on Whatsapp:
https://chat.whatsapp.com/Ht1t36lWfgf01d5aIqNt7s